东京京阪四谷酒店

距離ＪＲ四之谷車站走路七分鐘，飯店後面有一間非常大的Life超市，後面巷子內也很多日式餐廳，整體來說交通方便，去新宿搭計程車也只要兩千日幣以內，整體而言適合全家出遊或朋友、情侶出遊。典型日本飯店大小，舒適但不逼人，乾淨也很安靜，飯店員工也非常親切。

Hotel.com Review 好少咁認真寫評語，但呢間真係令到我認真分享。首先我本身係一次過book咗住6晚，當時係五月尾去東京玩，除返開，每日平均hkd$82x，以東京來講唔算好貴。第一日到步嘅時候除咗check-in等耐咗少少之外，其他都好順利。前枱嘅同事英文語言能力都幾好，至少係可以做到基本溝通。 第二，本身個酒店位置，我自己覺得係好優越，雖然佢唔係新宿站，而係新宿下一個JR站「四谷站」，行過去其實只係5分鐘內嘅事，係一出JR站嘅一直路就到。除咗JR站對面馬路仲有個地下鐵站，所以有時去唔同景點，個交通都好方便。 第三，酒店後附近有一條橫町街，成條街都係好多居酒屋同埋餐廳！附近係有一幢寫字樓，所以放工時間你都會見到好多白領喺嗰度食嘢。有時夜返到屋企有啲居酒屋🏮都仲營業緊，所以其實都好多食物選擇。重點係酒店嘅前一個街口有一間開到好夜嘅吉野家，有幾晚食宵夜都係食佢，日本嘅吉野家真係好食過香港好多😂😂😂 第四，附近係至少有三間便利店，有lawson & family mart。重點係附近有一間開到12點嘅高級超級市場（就係我頭先講嗰棟寫字樓嘅地庫）另外有一間比較細，就係開到11點，但係真係足夠應付晒你夜晚返酒店之前再買下啲宵夜。 第五，最搞笑係去到旅程嘅最後幾日，我哋先發現咗對面馬路有一間藥妝店🏥，都係有得免稅，價錢就冇特別平，不過至少就可以俾你喺臨走之前補下貨。好似開到晚上10點。 第六，Room Service都做得好好，每一日返到去都會見到清潔得好乾淨同埋好整齊。毛巾會重新幫你換過，床號都會幫你整理好，同埋每晚都會幫你換睡衣。 第七，呢一個真係我不得不讚嘅地方，以新宿區嚟講，佢雙人房房間嘅大細真係寬敞，至少一男一女住，兩個29吋大喼，打開咗之後都可以有路行。絕對好過APA集團嘅酒店，真係冇得比。咁啱我仲要對街景，所以光線都好充足。 第八，去旅行有洗衫習慣嘅人就好適合住呢間，因為去行1分鐘就會有一間自助嘅洗衣店，好似開到晚上11點定係凌晨12點。係1+日本人少少經營，洗衣店嘅隔離係一間超Local嘅浴場，有興趣嘅話都可以去體驗吓。順帶一提，老闆同老闆娘係一對好老嘅公公婆婆，佢哋係唔識講英文，但係好搞笑好可愛。 總括嚟講，我覺得呢間酒店嘅性價比好高，如果budget有限，唔係住到傳統集團式嘅五星級酒店，呢一間酒店都好適合年輕情侶住！

The room cleaning service is great, staff is very helpful with my requests such as borrowing iron and reserving late night taxi to airport.